අමාත්‍ය ගරු සුනිල් හඳුන්නෙත්ති මහතා ඇතුළු ශ්‍රී ලංකා නියෝජිත පිරිස JOGMEC නායකත්වය සමඟ සාකච්ඡා පවත්වයි.
කර්මාන්ත හා ව්‍යවසායකත්ව සංවර්ධන අමාත්‍ය ගරු සුනිල් හඳුන්නෙත්ති මහතා සහ ජපානයේ ශ්‍රී ලංකා තානාපති මහාචාර්ය පිවිතුරු ජනක් කුමාරසිංහ මහතාගේ ප්‍රධානත්වයෙන් යුත් ශ්‍රී ලංකා නියෝජිත පිරිස, 2026 ඔක්තෝබර් 15 වන දින ටෝකියෝ නුවරදී, ජපාන ලෝහ හා බලශක්ති සුරක්ෂිතතා සංවිධානයේ (JOGMEC) සභාපති ඉචිරෝ තකහාරා මහතා සහ එහි ජ්‍යෙෂ්ඨ කළමනාකාරීත්වය සමඟ සාකච්ඡා පැවැත්වූහ.
ශ්‍රී ලංකාව තුළ ආයෝජන ප්‍රවර්ධනය කිරීම සහ අගය එකතු කළ ඛනිජ කර්මාන්ත සංවර්ධනය කිරීම අරමුණු කරගනිමින්, තාක්ෂණික සහයෝගීතාව, තාක්ෂණ හුවමාරුව සහ ජපන් සමාගම් සමඟ සම්බන්ධතා ඇති කර ගැනීම සඳහා පවතින අවස්ථා පිළිබඳව මෙහිදී දෙපාර්ශවයම සාකච්ඡා කළහ.