අමාත්‍ය ගරු සුනිල් හඳුන්නෙත්ති මහතා ජපානයේ ආර්ථික, වෙළඳ සහ කර්මාන්ත රාජ්‍ය අමාත්‍යවරයා සමඟ සාකච්ඡා පවත්වයි.
ශ්‍රී ලංකාවේ කර්මාන්ත හා ව්‍යවසායකත්ව සංවර්ධන අමාත්‍ය ගරු සුනිල් හඳුන්නෙත්ති මහතා, ජපානයේ ශ්‍රී ලංකා තානාපති මහාචාර්ය පවිතුරු ජනක් කුමාරසිංහ මහතා සමඟ එක්ව, 2026 ඔක්තෝබර් 15 වන දින ජපානයේ ආර්ථික, වෙළඳ සහ කර්මාන්ත අමාත්‍යාංශයේ (METI) දී, එරට ආර්ථික, වෙළඳ සහ කර්මාන්ත රාජ්‍ය අමාත්‍ය ගරු ටකාගි කේයි (TAKAGI Kei) මහතා සමඟ සාකච්ඡා පැවැත්වීය.
මෙම සාකච්ඡා සඳහා ශ්‍රී ලංකාව සහ ජපානය අතර ආර්ථික හා කාර්මික සහයෝගීතාව ශක්තිමත් කිරීම, ශ්‍රී ලංකාවේ ව්‍යාපාරික හා ආයෝජන වාතාවරණය වැඩිදියුණු කිරීම සහ "අපනයන ඉලක්ක කරගත් කාර්මික කොරිඩෝවක් ගොඩනැගීම" පිළිබඳ සංකල්පීය මාර්ග සිතියම (Conceptual Roadmap) ඉදිරියට ගෙන යාම යන කරුණු පාදක විය.
