මානව සම්පත් ක්ෂේත්රයේ ශ්රී ලංකා සයිතමා සහයෝගීතාව ශක්තිමත් කිරීම
මානව සම්පත් ප්රවර්ධන වැඩසටහන – 2026 ජපානය, වැඩසටහනේ තවත් විශේෂ වැඩසටහනක් ලෙස ජපානයේ සයිතමා ප්රාන්තයේ පැවති සම්මන්ත්රණයට සයිතමා ප්රාන්තයේ ආණ්ඩුකාර අතිගරු මොතොහිරෝ ඕනෝ මහතා සහභාගී විය.
වැඩිහිටි සත්කාර සහ සෞඛ්ය සේවා වැනි අංශවල මානව සම්පත් අවශ්යතා සපුරාලීමේදී සයිතමා ප්රාන්තය සහ ශ්රී ලංකාව අතර තවදුරටත් සහයෝගීතාවය සඳහා ඇති හැකියාව ඉස්මතු කරමින්, ආණ්ඩුකාරතුමන් සම්මන්ත්රණයේදී අදහස් දැක්වීය.
මෙම අවස්ථාවට ජපානයේ ශ්රී ලංකා තානාපති මහාචාර්ය පිවිතුරු ජනක් කුමාරසිංහ මහතා සහ ශ්රී ලංකා විදේශ සේවා නියුක්ති කාර්යාංශයේ (SLBFE) සභාපති කෝෂල වික්රමසිංහ මහතා, ඇතුළු සයිතමා ප්රාන්ත රජයේ නිලධාරීන් ද සහභාගී විය. ඒහිදී මානව සම්පත් ක්ෂේත්රයේ සහයෝගීතාව ශක්තිමත් කිරීම, ශ්රී ලාංකික සේවකයින් සඳහා රැකියා අවස්ථා පුළුල් කිරීම සහ ශ්රී ලංකාව සහ ජපානය අතර දිගුකාලීන මිත්රත්වය තවදුරටත් වැඩිදියුණු කිරීම කෙරෙහි විශේෂ සාකච්ඡා පැවැත්විණි.
සයිතමා ප්රාන්ත රජය විසින් මෙම වැඩසටහන සඳහා ලබා දෙන වටිනා සහයෝගය තානාපති කාර්යාලය බෙහෙවින් අගය කරන අතර මානව සම්පත් සහ රැකියා ක්ෂේත්රයේ අන්යෝන්ය වශයෙන් ප්රයෝජනවත් සහයෝගීතාව ප්රවර්ධනය කිරීම සඳහා සයිතමා ප්රාන්තය සමඟ අඛණ්ඩව සම්බන්ධ වීමට බලාපොරොත්තු වේ.
ජපානයේ ශ්රී ලංකා ව්යාපාරික කවුන්සිලයේ විධායක ලේකම් චන්දික පෙරේරා මහතා, සයිතමා ප්රාන්ත රජය සමඟ ඔහුගේ වටිනා සහාය සහ සම්බන්ධීකරණය වෙනුවෙන් තානාපති කාර්යාලයේ ස්තූතිය පළ කරන අතර, එමඟින් අතිගරු ආණ්ඩුකාරතුමාගේ සහභාගීත්වයට බෙහෙවින් පහසුකම් සපයන ලද අතර මෙම වැදගත් කටයුත්තේ සාර්ථකත්වයට ද දායක විය.
මානව සම්පත් සහ රැකියා ක්ෂේත්රයේ ශ්රී ලංකා ජපාන සහයෝගීතාව ශක්තිමත් කිරීමට ශ්රී ලංකා තානාපති කාර්යාලය කැපවී සිටින අතරම, ජපානයේ දක්ෂ ශ්රී ලාංකික සේවකයින් සඳහා වැඩි අවස්ථාවන් ලබා දීමට ද මෙම සාකච්ඡා අවස්තා සලසනු ඇත.
